Altjóða postkortdagur tann 1. oktober 2021
Altjóða
postkortdagur er ein roynd at fáa fólk at senda postkort tann 1. oktober, so
tey kunnu uppliva, hvussu stuttligt tað er at senda ella at fáa eitt óvæntað
postkort frá familju, vinfólki og kenningum.
Í hesum sambandi
hevur Posta givið út eitt serligt postkort, sum myndar trý tey fyrstu føroysku
frímerkini givin út eftir at Postverk Føroya bleiv stovnað fyri 45 árum síðani,
hin 1. apríl 1976.
Vit bjóða okkum
til at senda postkortið fyri teg - sí teigarnar høgrumegin.
Les meira um altjóða postkortdagin her: www.worldpostcardday.com
Send eitt postkort út í heim
Vit bjóða okkum til at senda eitt postkort fyri teg til vinir og kenningar í útheiminum. Bílegg kortið her og vit prenta tekstin á kortið, frankera tað við lundafrímerki og serstempli og senda tað síðan avstað.
Tað er lætt at bíleggja - legg vøruna í kurvina og fylg vegleiðingini. Minst til at seta navnið á móttakaranum í viðmerkingarteigin. Um onki navn stendur, verður kortið sent til tín egna bústað.
Teksturin niðanfyri verður prentaður á og vit senda síðani kortið fyri teg.
Hey (navn á móttakara verður skrivað her)
Gleðiligan World Postcard Day!
Blíðar heilsur
(títt navn ella tað tú skrivar í kommentarteigin verður skrivað her)